Fernand Prax  (1890-1970)

 

Nascut e mort à Marmanhac deïn la Nalto-Auvernho fouguè pouèto ispirat e prousatour de trìo.

Demourè touto sa vïdo fizèl à l’escritiùro de la primièro Escolo Oubernhato en fazent quaucos errours coumo de ç davont de i.

Soun ourtougràfio li vauguè d’afrountoments ammé lou majourau Juon Fay que tenio per una formo d’ourtougràfio arcaïsanto diferinto de la dis occitans mas ammé lou mèmo sistèmo per nouta lei voucalos.

En 1929 lis edicious de Lo Cobreto publiquèrou Lo glebo mairalo.

Lo glebo mairalo es lou titoul d’uno pèço de teatre que fouguè jougado al teatre d’Ourlhat e ounde Fernand Prax tenguè guel-mèmo lou rolle pousitiéu de Tenou.

Mas lou lhibre del mème noum, en fotò çai-après, counté  belcop d’autres pouèmos coumo lou celèbre Cur d’Oubernhat.

Mas ço piùs ouriginau es Le vieux braconnier, uno istòrio bilingo mas li vèrs francés e auvirnhats sou pas la traducciou lis uns dis àutri, acò’i l’istòrio que countùnio.

Atï n’avet un eximple :

Lou bracounier sourtïs de presou e retrobo soun chi.

Le chien est un ami; dans ses yeux pleins de rêve
Et de tendresse aussi, scintille une clarté
Si vous y regardez quand son regard se lève
C’est le tableau vivant de la fidélité.

Aquel de Piorrounèl n’èro pas des pus traço;
E mai qu’ol sièu oustau àgio pas de croustou,
S’en anabo pas lonh, e so bièlho carcasso
Cado ser ajiassado èro al raz del pourtou.

L’animal sachant bien que quelque jour le maître
Rentrerait au logis, confiant, l’attendait;
Mais il devait trouver qu’il tardait à paraître
Car il état bien triste et ce jour-là baillait.

Bous fasio coumpassiou, semblabo uno curalho,
Un couop de bent òutô l’ourio fat trebira.
Poudio pas soulomen coumpissa lo muralho;
Quond Piorrou lou biguèt se metèt ò ploura.

image

Fernand Prax escriguè regulièromen de pouèmos e quauques racountes deïn Lo Cobreto, puèi La Cabreto.

Soun segound lhibre pareguè plô tard Historios de toutos menos, en 1960, is estamparios Gerbert en Ourlhat.

La maje-part dis istòrios sou en vèrs. Li o uno quito pèço de teatre leugièro ammé de chansous Virgini se morido.

Mas l’istòrio la mai esmouvento es en proso L’inoucent, ounde mostro qu’es en vertat un escrivon de plô nalto voulado.

                Historios.jpg

Sèns l’oumenatge que li faguè lou Felibrige d’Auvernho e lou pouèmo manhifique que soun amic Juon-Mari Gaston dïguè davont sa toumbo, sario doublidat d’uèi.

D’un coustat li tenents dis « grafias » arcaïsantos eimou pas soun ourtougràfio, de l’aute sa familho refuso touto courrecciou de si quaucos incouheréncios graficos.

Quand toumbarò dién lou douméni publique en 2040, sarò pas mai counegut e si lhibres saraun estats passats al piloun.

Alèro se n’in troubat un, croumpat-lou viste !

Publicités