Juon-Simoun Matthieu, secretàri de l’Escolo Auvernhato fin sa mort en 1962, èro també pouèto. Escriguè un fum de pouèmo deïn Lo Cobreto, la revisto del Felibrige d’Auvernho.

Publiquè tris lhibres literàris :

Fusados de repiéugos, pouèmos (Ourlhat 1927), La piéuleto, coumèdio en tris actes (Ourlhat 1930) e Causotos, pouèmos (Ourlhat 1930)

simon-mathieu

 

Nasquè e mouriguè à Cayrols (1878 – 1962). Èro curat d’Eitrac.

Publiquè deïn Lo Cobreto un « Gloussàri d’Ourlhat » que malirousomen aun pas editat en lhibre.

Vaqui un troç de soun pouèmo Ol Liouron :

                  OL LIOURON

………………………..

O l’oumbro del sapin oundrat de mousso fino
Lo ginsono poungis tetent so parousino
Ol ras d’un toutelou de roùgis ginouflats.

……………….

Un bèspre pensaciou, m’ère retardibat
Quand un pastre clougent alandet un bailero
Jous un abet bourrut que béu « lo Font de Cèro »
Lou cont del Rebertel m’ouguet lèu rebilhat.

Aquel èr del païs me fretet l’estoumach
Del baume qu’escantis lo doulour lo pus fièro
Esproubère jous pèl los ardour d’uno fièro
Que plouro soun grond gaud en retroubent l’aimat.

En plus long son del bruch e plus naut que l’auturo
Nostres conts cantalès amassou de l’ampluro
E repergou lou cur d’aquel que les ausis;

Surtout ò clausso nuech, s’un lugot luminejo
Lou porge ound l’esquillou enquèro se brandis
E tinto l’Angelus uno baco fourejo.

Publicités